Preguntarédesvos algúns de vós que relación existe entre a Igrexa de San Estevo de Casteláns,do concello de Covelo e da que só restan unhas ruínas no seu enclave orixinal, e o Balneario de Mondariz, do concello de Mondariz Balneario.
Pois ben, non fai moito tempo recomendábavos unha visita a Mondariz Balneario e comentaba a importancia deste lugar e as súas augas dende que foron declaradas de utilidade pública no ano 1873. No xardín do Balneario podedes ver cinco xanelas absidais que probablemente foran trasladadas a este lugar na segunda metade da década de 1920, co fin de enriquecer este sector coñecido coma O Bosque. Tamén un arco triunfal, datado probablemente do último cuarto do século XII ou primeiro do XIII.
Polo visto, estas eran pezas pertencentes á Igrexa de San Estevo de Casteláns. A súa ruína e derrubamento da cuberta da ábsida moveron a Enrique Peinador Lines, propietario do balneario de Mondariz, a adquirir e trasladar ao Bosque do seu establecemento os restos máis significativos da mesma conformando así o xardín arqueolóxico do principal balneario de Galicia.
Pero ollo, que se queremos ver todo o que resta desta Igrexa románica e antiga abadía benedictina feminina, non só debemos visitar Casteláns e o balneario de Mondariz, xa que tamén foron empregados restos da mesma na capela de San Roque de Pontevedra.
Xa vedes para canto deu unha igrexa…
As primeiras fotos son dos restos ubicados no balneario de Mondariz e as dúas últimas das ruínas que restan no enclave orixinal da igrexa.
RemasterDirector_V0
RemasterDirector_V0
RemasterDirector_V0
RemasterDirector_V0
RemasterDirector_V0
