Aquí vos deixo unha descoberta destes últimos días do máis interesante. Desde a aldea que recibe o mesmo nome até a fervenza tedes menos de quilómetro e medio a pé por un camiño limpo e ben coidado. Podedes ver no mesmo un muíño perfectamente conservado.
O lugar é totalmente idílico, tranquilo, tal como se aprecia nas fotos. Iso si, o sol comeza a dar na poza tirando cara o mediodía. Ata entón, meterse á auga queda reservado para os máis valentes!!! Quédavos coma sempre o track de ruta no Wikiloc, xa que a sinalización é deficitaria.
Espero que vos guste! Desfrutade do día de sol! 
