Gran Ruta Transfronteiriza Gerês-Xurés

Cun percorrido circular que alcanza os case 300 quilómetros de lonxitude, esta Gran Ruta atravesa as terras da Reserva Transfronteiriza Gerês-Xurés.

Fai pouco acompañástesme durante a GR-50, a parte deste percurso que decorre polo Parque Nacional Peneda-Gerês, en terras lusas, dende Ameijoeira ata Tourém. Xuntos atravesamos os montes de Castro Laboreiro, as serras de Peneda, Soajo, a serra Amarela e Gerês. Durante as súas 19 etapas e 190 quilómetros, mergullámonos na cultura desta zona, no seu estilo de vida e no seu valioso patrimonio da man de paisaxes realmente espectaculares. Unha experiencia única !

Pois ben, chegou o momento agora de pechar o círculo coa parte galega. Con pouco máis de 100km de lonxitude, este tramo está dividido en seis etapas:

– Etapa 1: de Tourém a Maus de Salas

– Etapa 2: de Maus de Salas a Salgueiro

– Etapa 3: de Salgueiro a Lobios

– Etapa 4: de Lobios a Lobeira

– Etapa 5: de Lobeira a Entrimo

– Etapa 6: de Entrimo a Ameijoeira

Vouvos deixar algunhas das miñas fotos favoritas da GR-50 para que vaiades facendo memoria antes de sorprendervos coas novas etapas! Conto con vós para esta nova aventura, non?