Hoxe vouvos presentar un roteiro circular, duns dez quilómetros de lonxitude aproximadamente, que me deixou totalmente engaiolada 
.
.Partindo do encoro do Oural, onde uns patiños moi sociables nos darán a benvida, comeza a nosa subida acompañando a Levada da Víbora, unha impresionante levada de granito de 5,3 quilómetros de lonxitude, percorrida polas augas da Ribeira de Bustelibeme.
Eran estas augas as empregadas para o regadío e tamén as encargadas de abastecer os nada menos que 28 muíños que se atopaban ao seu paso. Os denominados Moinhos de Rei foron construídos polo rei D. Dinis e, a súa beira, unha fermosa área de lecer convida ao descanso, xunto coa do encoro de Oural e a da Levada da Víbora, todas elas con zona de merendeiro e sombra.
Aínda que o tramo inicial é de pendente ascendente, prométovos que a beleza do lugar fará que nin vos percatedes de que estades a subir. Todo o camiño está limpo e ben sinalizado e os sendeiros son do máis variopintos.
Encantaravos! 
