Xa fai un tempiño que vos falei do que resta deste mosteiro do século XII, en tempos un dos máis importantes da Ribeira Sacra. Pero daquelas case non puidera compartir fotos con vós porque o acceso era imposible pola maleza. Afortunadamente, a día de hoxe as súas inmediacións e o seu interior están limpos e son accesibles.
Foi a desamortización de Mendizábal e os espolios sufridos durante o século XIX, os que o levaron ao estado de ruína no que se atopa actualmente. Aínda así, a igrexa continuou a ser parroquia ata o 1972, pechando entón as súas portas polo despoboamento. A pesar de que sufriu reformas posteriores, aínda conserva elementos románicos orixinais. Capiteis policromados e curiosas quimeras son tan só algunhas das sorpresas que esta xoia agocha no seu interior.
Ahí vos vai o resto! 
