O Río Limia

Con nacemento en Galicia, no monte Talariño, e desembocadura en Portugal, en Viana do Castelo, conta cunha lonxitude total de 108km.

En Galicia pasa pola comarca da Limia, Baixa Limia e a vila de Xinzo de Limia. E en Portugal fai a súa entrada na freguesía de Lindoso e pasa polos municipios de Ponte da Barca, Ponte de Lima e Viana do Castelo.

Foi chamado así polos romanos que pensaron no seu momento que era o río do esquecemento e todo aquel que o atravesaba perdía a memoria.

E vou aproveitar para compartir con vós un fragmento do libro de José Saramago titulado “Viagem a Portugal” que me gustou especialmente aínda que non fai referencia a este río en concreto senón ao Douro pero, que me vén á cabeza cada vez que hai un río común a Galiza e Portugal. Nel fala cos peixes e dilles:

“Vinde cá todos e dizei-me que língua é a que falais quando aí em baixo cruzais as aquáticas alfândegas, e se também lá tendes passaportes e carimbos para entrar e sair. Aqui estou eu, olhando para vós do alto desta barragem, e vós para mim, peixes que viveis nessas confundidas águas, que tão depressa estais duma banda como da outra, em grande irmandade de peixes que uns aos outros só se comem por necessidades de fome e não por enfados de pátria.”

Aquí vos deixo unhas fotiños do seu percurso e lugares próximos. Espero que vos gusten