Hoxe vouvos levar directamente á beira portuguesa e presentarvos este roteiro lineal duns seis quilómetros de lonxitude. Partindo da propia vila de Melgaço e rematando na súa zona termal, este percorrido descubriranos unha parte do Monte Prado, o Centro de Estágios, a beira do río Miño e as súas pesqueiras, o que é unha levada e algúns campos de vides da zona.
Todo isto a través de camiños de terra, pintorescos sendeiros e pasarelas de madeira. Ollo con estas últimas en días de choiva! Todo o roteiro está perfectamente limpo, sinalizado e conta con textos aclaratorios nos puntos clave. Hai que ter en conta que, ao non ser circular, se se fai ida e volta, os quilómetros resultantes son sobre doce.
Un paseo máis que recomendable! 
