Hoxe achégovos este roteiro circular duns 7 quilómetros de lonxitude polo Parque Natural do Xurés e con zona de baño incluída, para que non se diga! Entre os seus principais atractivos, alén das cativadoras paisaxes, temos a aldea de Puxedo, un conxunto de muíños ben conservados, tramos de pasarelas de madeira, curiosas formacións rochosas, numerosas fervenzas e pozas e as olas ou marmitas de xigante, que é coma se coñecen as concavidades case esféricas formadas pola erosión fluvial nos leitos rochosos dos ríos.
Todo o camiño está perfectamente sinalizado e limpo, excepto a baixada ao primeiro muíño, aínda que hai moras e a min xa me compensou rascar as pernas nas silvas e toxos 
. Non conta cun grande desnivel nin dificultade técnica, iso sí, carece case na súa totalidade de sombra así que ollo nos días máis calurosos. Ah! E está prohibido irse sen visitar en profundidade a aldea de Puxedo, da que xa vos falei en outras publicacións e que está cargadiña de historia, moi ben preservada e conta con dúas aulas etnográficas a nosa disposición.
. Non conta cun grande desnivel nin dificultade técnica, iso sí, carece case na súa totalidade de sombra así que ollo nos días máis calurosos. Ah! E está prohibido irse sen visitar en profundidade a aldea de Puxedo, da que xa vos falei en outras publicacións e que está cargadiña de historia, moi ben preservada e conta con dúas aulas etnográficas a nosa disposición.Espero que vos guste! 
