Este roteiro circular de pouco máis de 8 quilómetros de lonxitude, parte da aldea de São Lourenço en dirección á de Cela. Coñeceremos a igrexa da Nossa Senhora das Neves e tamén nos poderemos deleitar coas espectaculares vistas do val e a cidade de Chaves que nos ofrece o miradoiro de São Lourenço.
Será da man de escaleiras e pasarelas de madeira que chegaremos ata os muíños, en ruínas hoxe en día, e abastecidos antigamente por transparentes augas que forman fermosas pozas no seu descenso. Sen dúbida, este tramo é o máis atractivo paisaxísticamente! Continuaremos ata a capela da Senhora dos Aflitos e dende ahí de novo ao miradoiro e a aldea da que partimos.
O percorrido ten forma de 8, co cal é posible dividilo en dous se se desexa. Todo o camiño está limpo e ben sinalizado. Non conta con grandes desniveis nin con complexidade técnica algunha. Iso sí, ollo cos días de calor pois as zonas sombrías son escasas.
Espero que vos guste! 
