Sodes moitos os que me preguntades polos meus compañeiriños Fénix e Merlín, xa que ultimamente non aparecen en demasiadas publicacións. Pois ben, aquí voltan á carga despois de que un empeoramiento na saúde de un deles lles impedise unirse ás rutas.
Este camiño lineal, duns 3 quilómetros de lonxitude ida e volta, parte da aldea de Os Muíños, dende onde nos leva a coñecer a Fonte da Tella, unha pequena fervenza e varios muíños rehabilitados ata o seu punto final na praia de Merexo.
Sen perda algunha e a través de pintorescos sendeiros entre densa vexetación que se mesturan con tramos de pasarelas de madeira, desfrutaremos dunha pequena ruta chea de encanto e beleza. Aquí vos deixo unhas fotiños á espera de que vos gusten!

